มูลานิ ยานิ เอกโต อุปฺปชฺชนฺติ อพฺยากตมูลานิ เอกมูลมูลกานิ เจว อญฺญมญฺญมูลมูลกานิ จฯ อวเสสา อพฺยากตมูลสหชาตา ธมฺมา อพฺยากตมูเลน เอกมูลมูลกา, น จ อญฺญมญฺญมูลมูลกาฯ
(ข) เย วา ปน อพฺยากตมูเลน อญฺญมญฺญมูลมูลกา, สพฺเพ เต ธมฺมา อพฺยากตาติ? อามนฺตาฯ
4. นามา ธมฺมา (1) มูลนโย
[86] (ก) เย เกจิ นามา ธมฺมา, สพฺเพ เต นามมูลาติ?
นเวว นามมูลานิฯ อวเสสา นามา ธมฺมา น นามมูลาฯ
(ข) เย วา ปน นามมูลา, สพฺเพ เต ธมฺมา นามาติ? อามนฺตาฯ
[87] (ก) เย เกจิ นามา ธมฺมา, สพฺเพ เต นามมูเลน เอกมูลาติ?
อเหตุกํ นามํ นามมูเลน น เอกมูลํฯ สเหตุกํ นามํ นามมูเลน เอกมูลํฯ
(ข) เย วา ปน นามมูเลน เอกมูลา, สพฺเพ เต ธมฺมา นามาติ?
นามสมุฏฺฐานํ รูปํ นามมูเลน เอกมูลํ, น นามํฯ นามํ นามมูเลน เอกมูลญฺเจว นามญฺจฯ
[88] (ก) เย เกจิ นามมูเลน เอกมูลา ธมฺมา, สพฺเพ เต นามมูเลน อญฺญมญฺญมูลาติ?
มูลานิ ยานิ เอกโต อุปฺปชฺชนฺติ นามมูลานิ เอกมูลานิ เจว อญฺญมญฺญมูลานิ จฯ อวเสสา นามมูลสหชาตา ธมฺมา นามมูเลน เอกมูลา, น จ อญฺญมญฺญมูลาฯ
(ข) เย วา ปน นามมูเลน อญฺญมญฺญมูลา, สพฺเพ เต ธมฺมา นามาติ? อามนฺตาฯ
(2) มูลมูลนโย
[89] (ก) เย เกจิ นามา ธมฺมา, สพฺเพ เต นามมูลมูลาติ?
นเวว นามมูลมูลานิฯ อวเสสา นามา ธมฺมา น นามมูลมูลาฯ
(ข) เย วา ปน นามมูลมูลา, สพฺเพ เต ธมฺมา นามาติ? อามนฺตาฯ
[90] (ก) เย เกจิ นามา ธมฺมา, สพฺเพ เต นามมูเลน เอกมูลมูลาติ?
อเหตุกํ นามํ นามมูเลน น เอกมูลมูลํฯ สเหตุกํ นามํ นามมูเลน เอกมูลมูลํฯ
(ข) เย วา ปน นามมูเลน เอกมูลมูลา, สพฺเพ เต ธมฺมา นามาติ?
นามสมุฏฺฐานํ รูปํ นามมูเลน เอกมูลมูลํ, น นามํฯ นามํ นามมูเลน เอกมูลมูลญฺเจว นามญฺจฯ
[91] (ก) เย เกจิ นามมูเลน เอกมูลมูลา ธมฺมา, สพฺเพ เต นามมูเลน อญฺญมญฺญมูลมูลาติ?
มูลานิ ยานิ เอกโต อุปฺปชฺชนฺติ นามมูลานิ เอกมูลมูลานิ เจว อญฺญมญฺญมูลมูลานิ จฯ อวเสสา นามมูลสหชาตา ธมฺมา นามมูเลน เอกมูลมูลา, น จ อญฺญมญฺญมูลมูลาฯ
(ข) เย วา ปน นามมูเลน อญฺญมญฺญมูลมูลา, สพฺเพ เต ธมฺมา นามาติ? อามนฺตาฯ
(3) มูลกนโย
[92] (ก) เย เกจิ นามา ธมฺมา, สพฺเพ เต นามมูลกาติ?
อเหตุกํ นามํ น นามมูลกํฯ สเหตุกํ นามํ นามมูลกํฯ
(ข) เย วา ปน นามมูลกา, สพฺเพ เต ธมฺมา นามาติ?
นามสมุฏฺฐานํ รูปํ นามมูลกํ, น นามํฯ นามํ นามมูลกญฺเจว นามญฺจฯ
[93] (ก) เย เกจิ นามา ธมฺมา, สพฺเพ เต นามมูเลน เอกมูลกาติ?
อเหตุกํ นามํ นามมูเลน น เอกมูลกํฯ สเหตุกํ นามํ นามมูเลน เอกมูลกํฯ
(ข) เย วา ปน นามมูเลน เอกมูลกา, สพฺเพ เต ธมฺมา นามาติ?
นามสมุฏฺฐานํ รูปํ นามมูเลน เอกมูลกํ, น นามํฯ นามํ นามมูเลน เอกมูลกญฺเจว นามญฺจฯ
[94] (ก) เย เกจิ นามมูเลน เอกมูลกา ธมฺมา, สพฺเพ เต นามมูเลน อญฺญมญฺญมูลกาติ?
มูลานิ ยานิ เอกโต อุปฺปชฺชนฺติ นามมูลานิ เอกมูลกานิ เจว อญฺญมญฺญมูลกานิ จฯ อวเสสา นามมูลสหชาตา ธมฺมา นามมูเลน เอกมูลกา, น จ อญฺญมญฺญมูลกาฯ
(ข) เย วา ปน นามมูเลน อญฺญมญฺญมูลกา, สพฺเพ เต ธมฺมา นามาติ? อามนฺตาฯ
(4) มูลมูลกนโย
[95] (ก) เย เกจิ นามา ธมฺมา, สพฺเพ เต นามมูลมูลกาติ?
อเหตุกํ นามํ น นามมูลมูลกํฯ สเหตุกํ นามํ นามมูลมูลกํฯ
(ข) เย วา ปน นามมูลมูลกา, สพฺเพ เต ธมฺมา นามาติ?
นามสมุฏฺฐานํ รูปํ นามมูลมูลกํ, น นามํฯ นามํ นามมูลมูลกญฺเจว นามญฺจฯ
[96] (ก) เย เกจิ นามา ธมฺมา, สพฺเพ เต นามมูเลน เอกมูลมูลกาติ?
อเหตุกํ นามํ นามมูเลน น เอกมูลมูลกํฯ สเหตุกํ นามํ นามมูเลน เอกมูลมูลกํฯ
(ข) เย วา ปน นามมูเลน เอกมูลมูลกา, สพฺเพ เต ธมฺมา นามาติ?
นามสมุฏฺฐานํ รูปํ นามมูเลน เอกมูลมูลกํ, น นามํฯ นามํ นามมูเลน เอกมูลมูลกญฺเจว นามญฺจฯ
[97] (ก) เย เกจิ นามมูเลน เอกมูลมูลกา ธมฺมา, สพฺเพ เต นามมูเลน อญฺญมญฺญมูลมูลกาติ?
มูลานิ ยานิ เอกโต อุปฺปชฺชนฺติ นามมูลานิ เอกมูลมูลกานิ เจว อญฺญมญฺญมูลมูลกานิ จฯ อวเสสา นามมูลสหชาตา ธมฺมา นามมูเลน เอกมูลมูลกา, น จ อญฺญมญฺญมูลมูลกาฯ
(ข) เย วา ปน นามมูเลน อญฺญมญฺญมูลมูลกา, สพฺเพ เต ธมฺมา นามาติ?
อามนฺตาฯ
มูลวารนิทฺเทโสฯ
2-10. เหตุวาราทิ
[98] เย เกจิ กุสลา ธมฺมา, สพฺเพ เต กุสลเหตูติ…?
ตโย เอว กุสลเหตู, อวเสสา กุสลา ธมฺมา น กุสลเหตู…เป.… กุสลนิทานา… กุสลสมฺภวา… กุสลปฺปภวา… กุสลสมุฏฺฐานา… กุสลาหารา… กุสลารมฺมณา… กุสลปจฺจยา… กุสลสมุทยา…ฯ
[99] เย เกจิ อกุสลา ธมฺมา… เย เกจิ อพฺยากตา ธมฺมา… เย เกจิ นามา ธมฺมา, สพฺเพ เต นามเหตู ติ… นามนิทานา… นามสมฺภวา… นามปฺปภวา… นามสมุฏฺฐานา… นามาหารา… นามารมฺมณา… นามปจฺจยา… นามสมุทยา…ฯ
มูลํ เหตุ นิทานญฺจ, สมฺภโว ปภเวน จ;
สมุฏฺฐานาหารารมฺมณา, ปจฺจโย สมุทเยน จาติฯ
นิทฺเทสวาโร นิฏฺฐิโตฯ
มูลยมกปาฬิ นิฏฺฐิตาฯ
ฯ นโม ตสฺส ภควโต อรหโต สมฺมาสมฺพุทฺธสฺสฯ
2. ขนฺธยมกํ
1. ปณฺณตฺติวาโร